Deputeti i Lidhjes Demokratike të Kosovës, Armend Zemaj, ka kritikuar qeverinë të cilën e udhëheq kryeministri Albin Kurti, duke thënë se ajo “as nuk po di e as nuk po dëgjon”.
Zemaj, përmes një postimi në Facebook, ka shtuar se LDK-ja qysh nga muaj mars i ka propozuar katër masa përmbajtësore për përballje me krizën e rritjes së çmimeve.
Ai tregon se nga propozimet e LDK-së janë reduktimi i akcizës dhe normës së TVSH-së për derivate dhe rritjen e subvencioneve në bujqësi.
“Qeveria, as nuk po di e as nuk po dëgjon. LDK, nga marsi, më shumë se 4 herë i ka propozuar 4 masat më përmbajtësore për përballje me krizën: 1.Reduktimin e akcizës dhe normës së TVSh-së për derivate, për tre muaj, me mundësi vazhdimi për tre muaj tjerë, varësisht nga zhvillimet në tregjet ndërkombëtare. 2.Zgjerimin e listës së produkteve të domosdoshme me normë të reduktuar të TVSh-së për tre muaj, me mundësi vazhdimi për tre muaj tjerë, varësisht nga zhvillimet në tregjet ndërkombëtare. 3. Indeksimin e pagave, të përfitimeve pensionale dhe sociale për normën e inflacionit të çmimeve të produkteve ushqimore bazike. 4. Rritjen e subvencioneve në bujqësi”, ka thënë Zemaj.
https://m.facebook.com/story.php?story_fbid=581736903308173&id=100044156048020
