Presidenti i Ukrainës, Volodymyr Zelensky ka mbërritur në Arabinë Saudite për negociata që mund të hapin rrugën për një marrëveshje për mineralet e kërkuar nga Shtetet e Bashkuara të Amerikës, e cila javën e kaluar ndërpreu ndihmën dhe shkëmbimin e inteligjencës për Ukrainën.
Më herët gjatë ditës, Steve Witkoff, i dërguari i Donald Trump në Lindjen e Mesme, tha se ai pret “përparim thelbësor” në bisedimet, të cilat ai tha se do të synonin të siguronin “një kornizë për një marrëveshje paqeje dhe një armëpushim fillestar”.
Zelensky ka fluturuar në Jeddah për ta takuar Princin e Kurorës Mohammed bin Salman në prag të takimeve të ndara, me interesa të larta midis zyrtarëve ukrainas dhe amerikanë, në një kohë kur Ukraina është duke u shtrydhur në dhe jashtë fushëbetejës, shkruan The Guardian.
Të martën, një delegacion ukrainas i kryesuar nga Andriy Yermak, shefi i shtabit të Zelenskyy, do të takohet me Sekretarin amerikan të Shtetit, Marco Rubio dhe zyrtarë të tjerë të lartë të Shtëpisë së Bardhë – takimi i parë zyrtar që nga debati katastrofik i Zyrës Ovale midis Zelensky dhe Trump.
Shtëpia e Bardhë e ka përshtatur politikën e Trump për Ukrainën si synim për ta arritur një “paqe të qëndrueshme”, por presidenti është fokusuar kryesisht në presionin ndaj Zelenskyt për ta dorëzuar pasurinë minerale të vendit të tij në SHBA.
Zelensky së fundmi u përpoq t’i rregullonte raportet me liderin amerikan. Presidenti ukrainas thotë se është i gatshëm të nënshkruajë një marrëveshje për mineralet, edhe pse duket e pamundur që ai t’i fitojë garancitë e sigurisë së SHBA-së që Kyici i sheh si jetike për ta parandaluar një pushtim të ardhshëm rus.
