Presidenti ukrainas, Volodymyr Zelensky, u bëri thirrje ligjvënësve zviceranë që të eksportojnë armë në Ukrainë të enjten, për ta bërë vendin “përsëri një territor paqeje”, raporton CNN.
Zvicra ka qenë një vend neutral që nga viti 1815, me kornizën e saj ligjore që siguron që ajo të mos dërgojë armë drejtpërdrejt ose tërthorazi në shtetet ndërluftuese.
Që nga fillimi i luftës së Rusisë në Ukrainë, vendi është përballur me presion në rritje nga fqinjët e tij evropianë për të miratuar rieksportin e armëve në Ukrainë.
“Unë e di që Zvicra po diskuton për lejet për rieksportin e armëve për të mbrojtur Ukrainën”, tha Zelensky përmes videos, duke thënë që kërkesa e tij për armë është vetëm për të rivendosur paqen në Ukrainë, “pikërisht siç parashikohet nga ligji ndërkombëtar”.
Zelensky i tha parlamentit zviceran se Ukraina nuk është një burim agresioni, as një territor lufte dhe as një lloj zone konflikti.
“Ne jemi një vend që gjithmonë e ka vlerësuar dhe do ta vlerësojë gjithmonë paqen. Paqja jonë mund t’i rezistojë një agresioni të tillë vetëm me forcën e armëve”, shtoi ai.
