- Advertisement -
Presidenti i Ukrainës e cilësoi situatën në fushën e betejës në rajonin e Donetskut si “jashtëzakonisht të vështirë”, duke e cilësuar gjithashtu prioritetin kryesor për ushtrinë ukrainase, ndërsa beson se e njëjta gjë vlen edhe për pushtuesit rusë.
“Situata në rajonin e Donetskut është jashtëzakonisht e vështirë”, tha Zelensky, duke shënuar 215 ditë nga fillimi i pushtimit rus në vendin e tij.
“Ne po bëjmë gjithçka që mundemi për të kufizuar aktivitetin armiqësor. Ky është synimi ynë parësor për momentin, sepse Donbasi është synimi parësor i pushtuesve”, theksoi ai.
Që nga fillimi i pushtimit të Ukrainës më 24 shkurt, trupat ruse kanë marrë në kontroll të gjithë Luhanskun dhe po përparojnë në Donetsk, dy rajonet që përbëjnë Donbasin.
