Zëdhënësit e Dhomave të Specializuara të Kosovës në Hagë, kanë mbajtur një konferencë për media që kanë shkuar nga Prishtina për të raportuar lidhur me këtë proces.
Zëdhënësit e Speciales kanë bërë të ditur se Prokuroria edhe zyrtarisht e ka përfunduar rastin e saj. Sipas tyre, seanca e radhës është caktuar me 23 prill.
Ata kanë bërë të ditur se në gjykatë kanë dëshmuar 125 dëshmitarë, kurse 117 me shkrim.
“Më e fundit që dimë është se Prokuroria ka konfirmuar se kanë përfunduar me prezantimin e provave, por nuk e kanë mbyllur rastin zyrtarisht. Seanca e radhës është caktuar më 23 prill. Prokuroria deri atëherë do ta përfundojë rastin, dhe deri kësaj séance do të diskutohen hapat e radhës. 125 dëshmitarë kanë qenë, dhe 117 kanë dëshmuar me shkrim vetëm. 206 ditë të gjykimit, dhe 150 viktima”, tha zëdhënësja Angela Griep, raporton Nacionale.
Ajo tha se gjyqtarët kujdesen për një gjykim të drejtë, dhe nuk kanë bërë pyetje me tendencë. Kjo pas raportimit të Nacionales, ku u publikuan video me pyetje orientuese e sygjestive nga dëshmitarët.
“Dua të them me gjykimin fer. Tri gjëra që duhet të kenë në mendje për gjyqtarët. Ata jënz gjedhur me procedurë konkurese, kur kanë aplikuar për të qenë gjyqtar në Gjykatën Speciale. E dyta, është një kod etik, dhe gjyqtarët janë të varur nga ai kod. Do të inkuraoja ta lexoni. Dhe e më e rëndësishmja që është procedura e apelit. Secili i akuzuar kur nuk është I kënaqur, ka të drejtë ta dërgojë rastin në Apel”, tha më tutje ajo.
Zëdhënësi tjetër i Speciales, Michael Doyle, u shpreh se qytetarët e Kosovës duhet të besojnë se Specialja sjell vendime të drejta, dhe se gjyqtarët vendimin e bazojnë vetëm në prova.
“Duam nga qytetarët e Kosovës ta kuptojnë rolin e gjykatës, për gjykime të drejta. Por, gjithashtu edhe viktimat e dëshmitarët të mund të dëshmojnë të lirë. Viktimat të mund të marrin pjesë me dinjitet. Është e rëndësishme që gjykata merret me krimet individuale, Prokuroria mund të vërtetojë vetëm krimet individuale. Është e rëndësishme të thuhet se viktimat përfshijnë nga etni të ndryshme”, tha Doyle, raporton Nacionale.
Gazetari i Nacionales që po qëndron në Hagë, Besian Beha, ka ndërhyrë duke e pyetur zëdhënësen, pse pas pyetjeve të gjyqtarëve, asnjëherë nuk ka kundërpyetje Prokuroria, por vetëm avokatët.
Ajo tha se kjo po bëhet me qëllim për ta gjetur të vërtetën.
“Nëse duani ta gjeni të vërtetën, nuk merreni me numrin e pyetjeve, por vetëm pyetjet që duan ta gjejnë të vërtetën. Palët mund të bëjnë pyetje pas gjyqtarëve, kjo është shumë e rëndësishme se çdo palë mund të sfidohet. Janë shumë sisteme ku gjyqtarët bëjnë pyetje, Gjermania është një nga këto raste. Në shumë gjykata në Gjermani vetëm gjyqtarët bëjnë pyetje”, tha Griep
