Zbulohet data dhe vendi ku do të prezantohet Mbappe si lojtar i “Mbretërve”

Kylian Mbappe do të prezantohet si lojtar i Real Madridit, më datën 16 korrik.

“Santiago Bernabeu” do të jetë vendi ku Mbappe do të njoftohet me tifozët e Realit.

Pritet të jetë një numër i madh i tifozëve madrilienë që do të jenë të pranishëm në stadium për të parë sulmuesin francez për herë të parë në fanellën e bardhë.

Mbappe do të jetë lojtar i Real Madridit që nga data 1 korrik i këtij viti, pasi do t’i përfundojë kontrata me Paris Saint-Germainit.

Ai tashmë është zyrtarizuar nga klubi i Real Madridit, teksa vet lojtari theksoi se i është përmbushur ëndrra me kalimin në “Santiago Bernabeu”.