- Advertisement -
Lionel Messi e fitoi për herë të tetë Topin e Artë në karrierë, çmim që ndahet nga revista franceze “France Football”.
Tashmë janë zbuluar edhe votat që kanë shkuar për futbollistët të cilët ishin të nominuar.
Fituesi, Messi mori 462 pikë, 105 më shumë se Erling Haaland, i cili është renditur në vendin e dytë, me 357 pikë.
Në vendin e tretë është Kylian Mbappe, i cili zuri vend në podium me 270 pikë.
Është me rëndësi të përmendet se nga Franca kanë votuar për Erling Haalandin, që ta fitojë Topin e Artë.
Si duket Argjentina me triumfin në finale të Kampionatit Botëror ka lënë shije të hidhur te francezët.
Teksa vlen të ceket se Shqipëria ka votuar për Messin.
