Barcelona pritet të bëjë revolucion në ekip në afatin kalimtar të verës.
Gjiganti katalunas ka paralajmëruar ndryshime pasi synon ta nisë furishëm edicionin e ardhshëm.
Mediumi spanjoll “Marca” i ka zbuluar nëntë emrat e futbollistëve që i kanë bërë valixhet gati dhe që pritet të largohen nga “Camp Nou” pas përfundimit të këtij sezoni,
Bëhet fjalë për futbollistët: Frenkie De Jong, Memphis Depay, Neto, Clément Lenglet, Sergiño Dest, Óscar Mingueza, Samuel Umtiti, Riqui Puig e Martin Braithwaite.
Këta lojtarë në fakt nuk bëjnë pjesë në planet e trajnerit Xavi Hernandez.
Dhe, ideja është që të shiten ata dhe me paratë e fituara nga shitja e tyre, Barça synon të bëjë përforcime gjatë verës.
Në dyshim të ardhmen tek Barça e kanë edhe Philippe Coutinho dhe Ousmane Dembele, ndërsa nga huazimi në klubet përkatëse do të kthehen Adama Traore dhe Luuk de Jong.
