Kandidati për deputet i NISMA-s, Zafir Berisha, ka bërë një reagim lidhur me debatin që ka nxitur një intervistë e shefit të tij, Fatmir Limaj, në të cilën shtrinë dorën e bashkëpunimit edhe me Lëvizjen Vetëvendosje të Albin Kurtit.
Berisha ka thënë se e thotë me kompetencë që “NISMA s’bën koalicion me Serbi”, dhe siç shprehet kandidati për deputet, NISMA është për një qeveri të opozitës dhe me AAK-në do të funksionojnë si një grup parlamentar.
“Pasi të gjithë injorantët e shoqërisë tonë, e që nuk janë pak, përfunduan duke fëlliqur edhe gojën me sharje, fyerje e linçime në raport me intervistën e fundit të Fatmir Limaj, po ja u përsëris me kompetencë atë që e kam thënë “Te Fidani” para intervistës së Fatmirit: “NISMA nuk bën koalicion me Serbi (diskursin serb në Kosovë)”!
- NISMA është për qeveri të opozitës.
- NISMA dhe AAK do të funksionoj si një grup parlamentar në Kuvend.
- 3.NISMA nuk mundet me ja u çelikos zemrat e plastikës dy partive të mëdha opozitare!”, ka shkruar Berisha.
