- Advertisement -
Analisti Visar Ymeri ka ngritur alarmin për një krizë të mundshme institucionale, nëse Kuvendi i ri nuk arrin të konstituohet më 15 prill.
Gjatë një interviste në emisionin “VV Show” me Vehbi Kajtazin, Ymeri kritikoi atë që e konsideron si mungesë të kulturës demokratike në trajtimin e proceseve institucionale.
Ai veçoi deklaratën e Glauk Konjufcës, e cila sugjeronte se mungesa e një shumice për formimin e qeverisë do të nënkuptonte moskonstituimin e Kuvendit, si një sinjal të qartë për përpjekje për bllokim politik.
“Po e përafrazoj. Kjo është qasje shumë problematike. Ai po paralajmëron bllokim. Ti kur nuk i ke numrat duhet me lëshu rrugë, le të provon dikush tjetër”, tha Ymeri.
