Analisti Visar Ymeri i ka kujtuar deputetit të VV-së, Enver Halit, 200 mijë nënshkrimet e mbledhura në vitin 2015 për të kundërshtuar marrëveshjet e arritura me Serbinë, ku përfshihej edhe marrëveshja për energjinë, marrëveshje e cila filloi të zbatohej me qeverinë Kurti.
Në këtë kuadër, Ymeri i tha deputetit se me zbatimin e marrëveshjes energjetike janë shkelur votat e 205 mijë qytetarëve.
“Lexoje peticionin e viti 2015, për energji jemi duke fol. Mos u mundo me i ikë temës. Për energji kemi mbledh peticion mbi 200 mijë qytetarë kanë than mos e zbatoni, ti e ki zbatu marrëveshjen e energjisë edhe e ki shkel votat e 205 mijë qytetare. 205 mijë qytetarë që i kemi shti me zor në Kuvend, të kujtohet, ti i ki shkel”, iu drejtua Ymeri deputetit të VV-së në “Debat Plus”.
