Sfida e “Vëllait të Madh” për banorët gjatë natës së sotme, ka bërë që banorët të ndahen në çifte dhe të flasin me dashuri dhe fjalë të ëmbla më njërin-tjetrin.
Kësisoj, Xhulit iu caktua si partner Stresit, teksa këtij të fundit i ka thënë se përgjatë aventurës televizive në Big Brother VIP Kosova e kishte numëruar si “aleat”.
“Pse më ke zhgënjyer kaq shumë, sepse unë kam menduar që të kam aleat”, i ka thënë Xhuli atij.
Stresi e ka mohuar ta ketë zhgënjyer Xhulin, ndërsa ka shtuar se ka vënë re disa ndryshime në disponimin e saj.
“Nuk të kam zhgënjyer, të harrojmë të kaluarën sot jemi në një gjë shumë ndryshe, edhe mua më pëlqen sepse unë besoj tek ndryshimi, por unë të kam parë të stërngarkuar i shoh këto gjëra por nuk i them”, ia ka kthyer Stresi, Xhulit.
Xhuli pos tjerash ia ka zbuluar edhe arsyen e mërzitjes së saj – por këtë dhe detaje të tjera, i kuptoni përmes videos në linkun e mëposhtëm.
