Xhiro e tretë në Albi Mall Superligën e Kosovës në futboll starton sot, me katër ndeshje që janë në program për t’u luajtur.
Padyshim që vëmendja kryesore e ditës do të jetë në Gjilan, me kryendeshjen mes Gjilanit dhe Prishtinës.
Vendasit kanë marrë vetëm një pikë në dy duelet e para dhe kërkojnë fitoren e parë, derisa Prishtina synon të vazhdoj me fitore pasi ka marrë gjashtë pikë në dy sfidat e para.
Me fitore synon të vazhdoj edhe Ferizaj që ka arkëtuar gjashtë pikë deri më tani, ku pret Ballkanin në shtëpi.
Suharekasit kanë dy barazime në dy sfidat hapëse dhe kërkojnë këndelljen.
Sfidë shumë interesante pritet të zhvillohet edhe në stadiumin ‘Liman Gegaj’ në Malishevë, ku Malisheva pret Dukagjinin.
Ndërkohë në Skenderaj takohen dy skuadrat e inkuadruara në Superligë, Drenica dhe Prishtina e Re.
Dueli mes Llapit dhe Dritës zhvillohet ditë e hënë.
Të gjitha ndeshjet e xhiros së tretë në Superligë startojnë nga ora 16:30. /Telegrafi/
