- Advertisement -
Granit Xhaka duket se ka marrë vendimin për të ardhmen e tij, pasi këtë verë do të largohet nga Bayer Leverkuseni.
Mësohet se Xhaka tashmë ka njoftuar klubin gjerman për vendimin e tij, dhe tashmë po shqyrton ofertat që i ka marrë.
Thuhet se largimi i trajnerit Xabi Alonso, i cili ka marrë drejtimin e Real Madridit, ka pasur ndikim të vendimi i mesfushorit shqiptar.
Xhaka për dy sezone luajti nën urdhrat e Alonsos dhe ishte ndër lojtarët kryesor të Leverkusenit, ekip me të cilin ka kontratë deri në vitin 2028.
Gjasat janë të mëdha që Xhaka 32-vjeçar të zhvendoset në Lindjen e Mesme për ta vazhduar karrierën në Arabinë Saudite, por nuk përjashtohet edhe Turqia si opsion.
