Granit Xhaka e bëri një paraqitje fantastike mbrëmë në fitoren e Arsenalit ndaj Chelseat me rezultat 4:2.
Futbollisti kosovar dha kontribut të madh në fazën defanzive, por edhe në atë ofanzive gjithashtu, duke ndërtuar aksione të “Gunners”.
Por, një moment i cili la mbresa ishte kur i bëri “horë” lojtarët e kampionit aktual evropian,
Pas një rasti të Timo Werner të “Blues”, topi arriti deri tek përfaqësuesi zviceran i cili në zonën e tij të rreptësisë e kaloi me lehtësi Romalu Lukakun.
E edhe më keq e përjetoi shoku i tij i skuadrës, mbrojtësi i majtë Marcos Alonso, të cilit Xhaka ia futi topin nën këmbë dhe e nisi një aksion të ri të “Topçinjve”.
Ky veprim i tij u duartrokit nga tifozët e ekipit fitues, të cilët mbetën mjaft të kënaqur me performancën e futbollistit kosovar, por edhe të ekipit në përgjithësi.
Kalimi spektakolar i Xhakës është shikuar shumë herë nga tifozët në rrjetet sociale dhe ju mund ta shikoni duke klikuar KETU
