Xhaçka: Stabiliteti në rajonin tonë është kritik, duhet të mbështetet fuqimisht nga BE-ja

Ministrja e Punëve të Jashtme në Shqipëri, Olta Xhaçka të hënën mori pjesë në Bruksel në një takim me gjithë kryediplomatët e vendeve të BE-së.

Një nga temat e folura ishte edhe ajo e dialogut mes Kosovës dhe Serbisë. E për këtë çështje, Xhaçka shkroi në një reagim në rrjetin e saj social “Twitter”.

“Diskutim konstruktiv në Bruksel me Ministrat e Jashtëm të BE-së dhe Ballkanit Perëndimor mbi sfidat e përbashkëta të sigurisë dhe mënyrat se si të forcojmë bashkëpunimin tonë”, ka shkruar ajo.

“Stabiliteti në rajonin tonë është kritik në kontekstin aktual të sigurisë dhe duhet të mbështetet fuqimisht nga BE-ja”.