Barcelona po kalon momente të vështira në fushë.

Klubi ka mbetur prapa Real Madridit dhe Gironas garën për titull në La Liga, pas një serie rezultatesh zhgënjyese.

Humbjet e fundit ndaj Girona dhe Royal Antwerp dhe barazimin me Valencian kanë bërë që presioni të rritet mbi trajnerin Xavi Hernandez, me lojtarët që ngadalë humbasin besimin te spanjolli.

Edhe pse rezultatet nuk kanë qenë të kënaqshme Barcelona ka prodhuar mundësi të shumta shënimi gjatë sezonit, por shumë pak prej tyre janë kthyer në gola.

Prandaj Xavi pas ndeshjes ka thënë se skuadra e tij është nga më të dobëtat në Evropë për finalizim.

“Ne e merituam fitoren, bëmë gjithçka. Ajo që ndodhi gjatë javëve të fundit në lidhje me efektivitetin u përsërit. Kjo ndeshje përmbledh paksa sezonin për ne. Ne stërvitemi duke përfunduar, por kjo varet nga besimi i lojtarëve. Ne duhet të jemi një nga skuadrat me finalizimin më të keq në Evropë”, tha ai.