Së shpejti, avatari juaj në WhatsApp do të jetë më i spikatur dhe i personalizueshëm se kurrë, duke ofruar një mënyrë të re për të personalizuar profilin tuaj dhe për t’u lidhur me kontaktet tuaja.
Në një lëvizje të ngjashme me Instagramin, WhatsApp po teston një veçori që shfaq avatarin tuaj kur dikush klikon mbi foton e profilit tuaj në bisedë.
Kjo shton një element dinamik në profil, duke u dhënë kontakteve tuaja një paraqitje të shpejtë të avatarit së bashku me detajet e profilit, shkruajnë mediat e huaja, përcjell Telegrafi.
Është një ndryshim i vogël, por me ndikim, që përmirëson mënyrën se si e përfaqësoni veten në biseda.
Bëhet e ditur se WhatsApp po punon gjithashtu për një përditësim që do të sjellë një pamje të përmirësuar tek avatarët, duke u ofruar përdoruesve edhe më shumë opsione personalizimi.
Do të merrni një njoftim që ju kërkon të përditësoni pamjen e re pasi veçoria të jetë e disponueshme.
Avatari do të pasqyrojë automatikisht pamjen e përmirësuar, por gjithmonë mund të modifikohet që të përputhet me preferencat e juaja.
Kjo veçori është pjesë e përpjekjeve të vazhdueshme të WhatsApp për të përmirësuar profilet e përdoruesve dhe për të ofruar më shumë mënyra që njerëzit të shprehen në mënyrë krijuese brenda aplikacionit.
