Ish-shefi i Misionit Verifikues të OSBE-së në Kosovë, William Walker, ka thënë se mbajtja në paraburgim nga Gjykata Speciale e krerëve të UÇK-së, Hashim Thaçi, Kadri Veseli, Jakup Krasnqi e Rexhep Selimi është qesharake.
Walker tha se nuk e kupton se si një pjesë e sistemit llogaridhënës të Perëndimit merret vetëm më njërën anë, respektivisht, nga shqiptarët, duke mos u marrë me krimet që kanë kryer forcat serbe në Kosovë.
“…nuk e kuptoj plotësisht edhe në BE dhe në qeverinë amerikane e ka pasur ndjenjën që një pjesë e sistemit të llogaridhënës të merret vetëm më njërën anë. Procesi është themeluar vetëm një anë, UÇK-ja nuk ka qenë një zinxhir ushtarak mirë i organizuar, në anën tjetër, po, dhe më e lehtë do të ishte për ti gjykuar ata (serbët)”, ka thënë Walker.
Walker theksoi që ajo çka po ndodhë në Hagë është drejtësi e shtrembëruar, duke përmendur presidentin aktual të Serbisë, Aleksandër Vuçiq, si pjesëmarrës indirekt në krimet që ka kryer krimineli famëkeq, Sllobodan Millosheviq.
“…Vuçiq ishte atë zgjirin komandues (të sistemit të Milosheviqit që kryente krime), ka qenë ministër I informimit dhe propagandës në atë kohë dhe ai akoma është duke e mohuar Reçakun, duke mohuar atë se çka ka ndodhur gjatë luftës. Dhe nuk e di nëse kam dëgjuar diçka nga BE-ja që ai të flet diçka në këtë aspekt dhe se ai ka qenë pjesë e asaj çka ka ndodhur. Dhe ai pas luftës gradohet president dhe bën gjithçka për të sabotuar një marrëveshje të paqes”, ka shtuar Walker.
Walker ka përsëritur disa gjatë emisionit “Debat Plus” se llogaridhënia për krimet në Kosovë duhet kërkohet edhe në anën serbe, pasi ata ishin më të strukturuar dhe organizuar për të kryer krime.
“Është mjaft ironike dhe e turpshme që procesi i llogaridhënies paraluftës e gjatë luftës nuk është sjellë para drejtësisë (krimet e kryera nga forcat serbe në Kosovë
), në të njëjtën kohë lidershipi i UÇK-së që kanë qenë pjesë e Qeverisë këtu katër nga ata që janë në Hagë për kërkim evropian të llogaridhënies, nuk e kuptoj pse po kërkohet vetëm në pjesën e Kosovës e jo në pjesën serbe”, ka shtuar ai.
