Anêtari i PDK-së, Petrit Hajdari, ka kritikuar partinë në pushtet Vetëvendosjen, e cila edhe pas ardhjes në pushtet po injoron simbolet shtetërore, shkruan Scanner.
Ai ka shkruar se ishte e pritshme që në mbledhjen e Këshillit të partisë që tani është në pushtet, të konfirmohej mohimi i shtetësisë së Kosovës.
“As simbolet, as himni i Kosovës. Veçse ai i Shqipërisë”, shkruan Hajdari në profilin e tij në Facebook.
Postimi i plotë:
Mohuesit e shtetit që qeverisin shtetin
Ishte e pritshme që në mbledhjen e Këshillit të partisë që tani është në pushtet, të konfirmohej mohimi i shtetësisë së Kosovës. As simbolet, as himni i Kosovës. Veçse ai i Shqipërisë.
Natyrisht, s’ka si të mos respektohet edhe himni kombëtar. Por, si i vetëm, ai është hap tjetër në mohimin e asaj që ka arritur shoqëria kosovare me shumë mund e gjak. Me tepër shumë mund e gjak në fakt.
Kujtimi për Astrit Deharin, pa asnjë hap drejt drejtësisë për të, është vulë e turpit. Kujtimi pa angazhimin për drejtësi, është i zbrazët e i pavlerë.
Saktësisht si kjo qeveri: e zbrazët dhe e pavlerë.
https://m.facebook.com/story.php?story_fbid=881585206403510&id=100036561167700&mibextid=Nif5oz
