Lëvizja Vetëvendosje është subjekti më i pasur politik në Kosovë bazuar në raportin financiar të Komisionit Qendror të Zgjedhjeve që pasqyron të hyrat dhe shpenzimet vjetore të partive politike në Kosovë.
Sipas këtij raporti, Lëvizja Vetëvendosje ka gjeneruar mbi 2.1 milionë të hyra në vitin 2021, ndërsa ka shpenzuar rreth 2.3 milionë euro, prej tyre, 1.3 milionë euro në fushata zgjedhore dhe mbi 616 mijë euro në paga dhe kompensime, shkruan lajmi.net.
LVV subjekti më i pasur politik në Kosovë, 1.3 milionë i shpenzuan veç në fushata
Lëvizja Vetëvendosje po del të jetë subjekti politik më i pasur në vend edhe sa i përket të hyrave, por edhe shpenzimeve për vitin 2021. Sipas raportit të Komisionit Qendror të Zgjedhjeve, Lëvizja Vetëvendosje në vitin 2021 ka pasur tërësisht 2.1 milionë të hyra, shkruan lajmi.net. Të hyra nga buxhe…
Por, si qëndrojnë subjektet tjera politike?
Sa i përket të hyrave, Partia Demokratike e Kosovës qëndron e dyta në listë pas Lëvizjes Vetëvendosje ndonëse me një dallim goxha të madh.
PDK në vitin 2021 ka arritur të gjeneroj mbi 823 mijë euro të hyra, ndërsa ka shpenzuar mbi 872 mijë euro gjë që reflekton një deficit prej afër 50 mijë euro në buxhetin e partisë.
Lidhja Demokratike e Kosovës në anën tjetër ka gjeneruar më pak para sesa Lëvizja Vetëvendosje dhe Partia Demokratike e Kosovës, por ka shpenzuar shumë më shumë gjë që ka reflektuar në deficit më të madh të partisë.
Ky subjekt politik në vitin 2021 ka arritur të gjenerojë mbi 583 mijë euro, ndërsa ka shpenzuar mbi 1.1 milionë euro – e kështu deficiti buxhetor i subjektit ka shkuar në afër 600 mijë euro.
Aleanca për Ardhmërinë e Kosovës në anën tjetër ka gjeneruar afër 300 mijë euro të hyra, por ka shpenzuar mbi 477 mijë, dhe kështu ka reflektuar një deficit buxhetor prej më shumë se 182 mijë euro. /Lajmi.net/
Të gjitha raportet e plota edhe për subjekte të tjera politike mund t’i gjeni KËTU.
