Në një bisedë të zhvilluar brenda shtëpisë së Big Brother VIP Kosova 3, Vullneti është pyetur nga Olta për mundësinë e krijimit të një lidhjeje romantike gjatë qëndrimit në lojë.

“Do të krijoje marrëdhënie, do të ishe puthë?”, e pyeti Olta, duke e drejtuar bisedën drejt një teme intime që ngjalli kureshtje mes banorëve.

Me humor dhe sinqeritet, Vullneti u përgjigj: “Po, po, njëqind për qind, qe këtu. S’ishi ardhë në Prime hiç, isha kanë unë kryesori. Po ku me gjetë atë njeri”

Kjo deklaratë, e shoqëruar me të qeshura, reflektoi qasjen e hapur dhe të çiltër të tij ndaj dashurisë dhe marrëdhënieve, duke theksuar se një lidhje e tillë do ta bënte atë edhe më të lumtur brenda lojës.

Gjatë bisedës, Vullneti shtoi se është një person që nuk e viktimizon veten për orientimin seksual dhe ka arritur ta pranojë atë me krenari. “Unë nuk vuaj për seksualitetin tem, nuk e viktimizojë vetën, jetoj i lumtur, e shijoj vetën”, tha ai, duke dhënë një mesazh frymëzues për të gjithë ata që ndihen të paragjykuar nga shoqëria.

Këto fjalë të Vullnetit kanë marrë vëmendje të madhe nga publiku, duke u vlerësuar si një mesazh fuqizues dhe i rëndësishëm për të gjithë ata që përballen me sfida për të qenë vetvetja.