- Advertisement -
Presidenti i Serbisë Aleksandar Vuçiq ka akuzuar Shtetet e Bashkuara të Amerikës se po e armatos Kosovën, duke thënë se në krejt këtë sipas tij është përfshirë edhe Turqia.
Ai më 24 dhjetor ka thënë për mediat serbe , se një gjë e tillë “paraqet kërcënim për Serbinë dhe integritetin e saj territorial.”
“Amerikanët po i armatosin hapur dhe pa mëdyshje shqiptarët në Kosovë. Për Turqinë të mos flas… Më nuk janë kurrfarë problemi porositë për obus 105 milimetra dhe gjithë tjerat, me të vetmin qëllim: kërcënimin e drejtpërdrejtë të Serbisë dhe integritetit të saj territorial, dhe sulmi ndaj popullsisë civile dhe strukturave ushtarako-policore të Serbisë”, ka thënë Vuçiq.
