Presidenti i Serbisë, Aleksandër Vuçiq, ka deklaruar se kryeministri i Kosovës, Albin Kurti, nuk do ta formojë “kurrë një Asociacion”.

“Por, unë nuk mendoj se liderët evropianë mund të jenë të verbër dhe të shurdhër ndaj të gjitha përpjekjeve të Kurtit për të fshehur faktin se ai kurrë nuk do të formojë një ZSO, pavarësisht se çfarë”, tha Vuçiq.

Tutje, Vuçiq tha se Kurti nuk e ka pranuar planin e propozuar nga pesëshja diplomatike, të cilët e vizituan Kosovën dhe Serbinë.

“Kanë thënë se e kanë pranuar si bazë, bazë. Dhe Konjufca, mbrapa tij, pra kryetari i parlamentit të institucioneve të përkohshme, tha se ZSO nuk është fare temë dhe se nuk do të jetë tema, kështu që nuk e di se çfarë teme do të jetë atëherë. Sepse ata nuk do të jenë fajtorë, megjithëse e kanë të qartë të gjithë ata që nuk duan dialog, e kanë të qartë të gjithë ata që nuk duan formimin e ZSO në Evropë”, tha Vuçiq për RTS.