Një person ka humbur jetën pasi është qëlluar me armë zjarri në fshatin Pakashticë të Podujevës.
Këtë e ka konfirmuar për Klankosova.tv zëdhënësja për Rajonin e Prishtinës, Flora Ahmeti, e cila ka thënë se vrasja ka ndodhur në orën 16:00, teksa në lidhje me këtë rast është arrestuar një person, F.B, mashkull 34 vjeç.
Në vendngjarje janë sekuestruar dy armë të gjuetisë.
“Sot rreth orës 16:00, kemi pranuar informatën për një rast të vrasjes që ka ndodhur në fshatin Pakashticë të Podujevës. Lidhur me këtë rast në vendngjarje, policia ka arrestuar një person të dyshuar: F.B mashkull 34 vjeç, Në vendngjarje janë sekuestruar , dy armë e gjuetisë. Viktimë në këtë rast është M.K (mashkull), 30 vjeç, vdekjen e të cilit e ka konstatuar ekipi mjekësor në vendin e ngjarjes”, u shpreh Ahmeti.
Aktualisht hetuesit policor, janë duke punuar në koordinim me prokurorin për të ndriçuar dhe sqaruar të gjitha rrethanat që kanë të bëjnë me rastin.
