Një talentit të basketbollit në Ukrainë i është ndalur në gjysmë ëndrra për të luajtur në NBA.
Bohdan Popova është vrarë në vendin e tij nga forcat ruse, të cilat po e sulmojnë Ukrainën tash e gati dy javë.
19 vjeçari ishte pjesë e ekipit të të rinjve në Ukrainë dhe kishte mesatare prej 13 pikësh e 19 kërcimesh për ndeshje.
Por, pasi filloi lufta, ai iu bashkua ushtrisë ukrainase në mbrojtje të atdheut nga agresori rus.
The talented Ukrainian teen basketball player Bohdan Popova was killed this week.
The 6’3” Popova averaged 13 points and 19 rebounds per game.
He dreamed of playing basketball in the NCAA for UCLA because he idolized Bill Walton. pic.twitter.com/auzKMiuGoR— Visegrád 24 (@visegrad24) March 7, 2022
Mirëpo, fatkeqësisht u vra nga ushtria ruse.
Ai ëndërronte të studionte në kolegjin UCLA në Shtetet e Bashkuara të Amerikës dhe të luante fillimisht në ligën NCAA e më pas në NBA.
Ai bëhet sportisti i katërt i vrarë në Ukrainë pas sportistit të biatlonit, Yevhen Malishev dhe futbollistëve Dmytro Martynenko e Vitalii Sapilo.
Gjithashtu, ditë më parë u vra edhe selektori i Kombëtares Ukrainase të Çiklizmit.
Shumë sportistë të njohur ukrainas, por edhe ish-sportistë, iu bashkuan ushtrisë në mbrojtje të atdheut.
