- Advertisement -
Kryetari i Bashkësisë Islame të Kosovës, Naim Tërnava, në manifestimin qendror për festën e Fitër Bajramit në Xhaminë e Madhe në Prishtinë, ka folur për vrasjet e fundit që kanë ndodhur në vend.
Para qytetarëve, ai është shprehur se secili duhet të respektojë jetën e tjetrit.
“Humbën jetën katër qytetarë të vendit tonë që është shqetësim dhe brengosje për të gjithë ne. Në islam vrasja është akt i ndaluar, i shëmtuar dhe një nga gjynahet më të mëdha. Kush vret një njeri pa të drejtë është sikurse të kishte vrarë gjithë njerëzimin”.
“Apelojmë për respektimin e jetës së çdo individi. Të gjithë duhet të jemi unikë për të treguar paqe dhe solidarizim”, tha myftiu Tërnava, transmeton Ekonomia Online.
