Ramiz Lladrovci, kryetari aktual i komunës së Drenasit, ka hedhur votën e tij në shkollën “Xhevë Lladrovci” në Gllanasellë, që është edhe vendlindja e tij.
Për ta shfrytëzuar të drejtën e tij të votës, Lladrovci ishte i shoqëruar nga gruaja e tij dhe familjarët e tjerë.
Pasi hodhi votën, Lladrovci para medieve u bëri thirrje qytetarëve që të dalin të votojnë dhe uroi që zgjedhjet të shkojnë mirë, pa asnjë problem.
Sa i përket shoqërimit nga familjarë, ai tha se “votimet bëhen për të ardhmen e fëmijëve”, andaj shkoi për të votuar me fëmijët e tij.
Postimi i tij:
Votova me bashkëshorten, vllaun, vajzën, rejat dhe djemtë, njëherësh i ftoj qytetarët të dalin te votojnë.
Besoj që procesi zgjedhor do të zhvillohet mirë, sipas traditës më të mirë demokratike, për të mirën e të gjithë qytetarëve, në veçanti për fëmijët tanë.
Faleminderit!
