- Advertisement -
Kryetari i Lidhjes Demokratike të Kosovës, Lumir Abdixhiku ka votuar në shkollën “Faik Konica” në Prishtinë, raporton Ekonomia Online.
Abdixhiku pas votimit para mediave uron që Kosova të jetë shembull i organizimit të zgjedhjeve.
“Zgjedhjet në Kosovë gjithmonë kanë qenë, janë dhe do të mbeten festë e madhe e demokracisë, janë ditë ku vendimmarrja e qytetarëve të Kosovës kthehen për 4 vitet e ardhshme në çdo lagje të tyre, fshatrat e tyre dhe qytetet e tyre. Le të urojmë, le të punojmë dhe le të shpresojmë që Kosova sërish do të jetë shembull i organizimit të zgjedhjeve, vetëdemokracisë dhe vullnetit të lirë të qytetarëve”, tha ai
