Presidentja e Kosovës, Vjosa Osmani, ka zhvilluar një takim me presidentin amerikan, Donald Trump, i cili fillimisht ishte planifikuar si protokollar, por u shndërrua në një bisedë të gjatë dhe përmbajtësore, raporton Scanner.
Osmani ka falënderuar Trumpin për interesimin e tij të veçantë rreth rolit të Shteteve të Bashkuara në Kosovë dhe rajon, si dhe për angazhimin e tij për paqe dhe stabilitet.
“Miqësia dhe aleanca me Shtetet e Bashkuara mbetet boshti i pathyeshëm. Kosova do të jetë gjithmonë në anën e demokracisë, lirisë dhe partneritetit me SHBA-të, sepse pikërisht aty rreh zemra e lirisë sonë”, ka deklaruar Osmani.
Ky takim u vlerësua si një dëshmi e lidhjeve të forta mes Kosovës dhe SHBA-ve, të cilat vazhdojnë të jenë themel i sigurisë dhe i rrugës demokratike të vendit.
Postimi i plotë:
Një takim i planifikuar si protokollar me Presidentin Trump u shndërrua në një bisedë të gjatë dhe shumë përmbajtësore.
Faleminderit Presidentit Trump për interesimin e veçantë që tregoi rreth rolit të pazëvendësueshëm të Amerikës në Kosovë dhe në rajonin tonë, si dhe për angazhimin e tij të palodhshëm për paqe!
Miqësia dhe aleanca me Shtetet e Bashkuara mbetet boshti i pathyeshëm. Kosova do të jetë gjithmonë në anën e demokracisë, lirisë dhe partneritetit me SHBA-të, sepse pikërisht aty rreh zemra e lirisë sonë. 🇽🇰 🇺🇸
