- Advertisement -
Presidentja e Kosovës Vjosa Osmani ka kujtuar gazetarin Enver Malokun në 23 vjetorin e vrasjes së tij.
Ajo ka thënë se fjala e lirë dhe e vërteta, gjithnjë ishin përkushtim i Malokut, i cili u shua 23 vjet më parë.
“Më tepër se dy dekada më parë pushoi përgjithmonë fjala e lirë e njeriut të fjalës, i cili e drejtoi Qendrën për Informim të Kosovës. Ai ra për të vërtetën, ndërkaq ne na duhet e vërteta si një shpagim ndaj mundit të tij, kontributit dhe përkushtimit. Enver Maloku ishte zëri i të vërtetës, atdhetari e jokonformisti, të cilit i detyrohemi deri në zbardhjen e vrasjes së tij! I përjetshëm mbetet kujtimi për të”, shkruan Osmani në llogarinë e saj në Facebook.
