Kryetari i AAK-së, Ramush Haradinaj u takua sot me Sekretarin e Jashtëm të Mbretërisë së Bashkuar, David Lammy.
Haradinaj thotë se vizita e Lammy rikonfirmon përkrahjen e Britanisë ndaj Kosovës.
“Mbretëria e Bashkuar ka qenë dhe mbetet një nga mbështetësit më të mëdhenj të Kosovës në të gjitha etapat e saj. Kjo vizitë e nivelit të lartë rikonfirmon këtë përkrahje, në një kohë kur si Kosova, ashtu edhe bota, po përballen me sfida të mëdha. Më gëzon fakti që po vazhdojmë ta forcojmë edhe më tej këtë miqësi të ndërtuar ndër vite, në të gjitha nivelet. Vetëm dhjetë ditë më parë qëndrova në Londër, ku pata rastin të zhvilloj takime përmbajtësore me zyrtarë të Zyrës së Jashtme, të Commonwealth-it dhe të Zhvillimit”, ka shkruar Haradinaj në Facebook.
“Mbretëria e Bashkuar ka dhënë shumë për Kosovën dhe ne do t’i jemi gjithmonë mirënjohës për këtë”.
