Kërkesat e Viniciusit në lidhje me kontratën e tij të ardhshme me Realin e Madridit nuk janë asgjë e re. Shkurtin e kaluar, mediat spanjolle raportuan për të gjitha detajet e asaj që braziliani dëshiron për të ardhmen dhe për të vazhduar të veshë fanellën e bardhë.viniBraziliani aktualisht ka një kontratë me një pagë 15 milionë euro neto në sezon që skadon më 30 qershor 2027.
Kjo do të thotë që ai nuk do të jetë në gjendje të negociojë individualisht largimin e tij nga Madridi deri në janar të atij viti pa pasur nevojë të informojë më parë klubin. Ndërkohë, kushdo që dëshiron të negociojë për yllin brazilian duhet ta bëjë këtë drejtpërdrejt me presidentin Florentino Perez ose me personin e tij më të afërt, Hose Angel Sançez.
Dëshira e Vinicius është të barazohet me atë që merr lojtari më i paguar i Realit, Kilië Mbape. Ish-lojtari i PSG-së merr 15 milionë euro për kontratë, por francezi gjithashtu ka bonusin e nënshkrimit të rënë dakord me Realin e Madridit për t’u bashkuar me klubin si transferim i lirë.
Një total prej 40 milionë eurosh neto për pesë sezone pasi kontrata e tij me PSG-në përfundoi më 30 qershor të vitit të kaluar. Kjo arrin në afërsisht 8 milionë euro për secilin nga pesë sezonet. Nëse i shtojmë të dyja shumat së bashku, kjo e çon kontratën e francezit në 23 milionë euro neto (46 milionë euro bruto) për sezon. Shuma këto që klubi as nuk po i shqyrton tani për tani në lidhje me Viniciusin.
Kjo do të thoshte rritje e pagës së tij aktuale me pothuajse gjysmën. Dhe akoma më shumë pas një sezoni të shënuar nga një rënie e qartë e performancës së brazilianit krahasuar me sezonin e kaluar. Aq shumë, sa klubi nuk e ka përjashtuar shitjen e brazilianit nëse arrin një ofertë e konsiderueshme për lojtarin. Kjo bazohet në faktin se është e paimagjinueshme që dikush të paguajë klauzolën e lirimit prej 1 miliard eurosh.
