- Advertisement -
Mes shumë zërash për oferta nga Arabia, Real Madrid dhe sulmuesi brazilian, Vinicius kanë publikuar një video në televizionin e klubit ku sulmuesi ka siguruar se do të vazhdojë të mbajë fanellën e bardhë .
“Është diçka shumë e rëndësishme për mua dhe familjen time. Shpresoj të qëndroj këtu edhe për shumë vite të tjera”, është shprehur Vinicius.
Përveç për Viniciusin, një largim i mundshëm nga klubi madrilen është përfolur edhe për Rodrygo Goes.
Për dyshen trajneri italian, Carlo Acelotti, u shpreh se të dy i sheh në Spanjë me klubin e Real Madridit.
“Ajo që shoh është se të dy duan të qëndrojnë sa më gjatë këtu, të fitojnë tituj dhe të kontribuojnë. Çfarë mendon secili më pas… Nuk e di. Janë vendime personale”, tha italiani mëngjesin e sotëm.
