Cristiano Ronaldo ka përfunduar ndërtimin e një mega-vile luksoze me vlerë rreth 30 milionë paundësh, e vendosur në një resort ekskluziv bregdetar vetëm 30 milje nga Lisbona. Prona, një nga më të shtrenjtat në Portugali, ka tetë dhoma gjumi, pishinë “infinity”, parkim nëntokësor për koleksionin e makinave luksoze dhe ambiente ultra-moderne.
Ronaldo dhe partnerja e tij, Georgina Rodríguez, do të gëzojnë palestër private, kinema, pishina të brendshme dhe të jashtme, plazh privat dhe hapësira për fëmijët. Vila i shtohet portofolit të pasurive të yllit portugez, që përfshin prona luksoze në Lisbonë, Madeira, Madrid, Torino dhe New York.
Pesë herë fitues i Topit të Artë dhe kampion Europe me Portugalinë, Ronaldo po përgatitet për një kapitull të ri të jetës pas një karriere të jashtëzakonshme në futboll.
