- Advertisement -
Një person ka vdekur dhe pesë të tjerë kanë pësuar lëndime në një aksident të rëndë trafiku që ka ndodhur mëngjesin e sotëm në Arllat të Drenasit.
Viktimë e këtij aksidenti i tmerrshëm është një i ri nga fshati Llapushnik i Drenaist.
Aksidentin e ka konfirmuar zyrtarja për informim në Policinë Rajonale të Prishtinës, Flora Ahmeti.
“Rreth orës 07:00 kemi pranuar informatën se në rrugën Arllat – Malishevë, ka ndodhur një aksident trafiku me pasoja fatale. Në këtë aksident kanë qenë të përfshira, dy automjete, të cilat kanë qenë në lëvizje”, ka thënë Ahmeti.
Si pasojë e aksidentit lëndime trupore kanë pësuar gjashtë persona, një prej tyre nuk kanë arritë të përballojnë plagët dhe i njëjti ka ndërruar jetë.
