Dinamika mes banorëve të “Big Brother VIP Kosova” ka kaluar përmes disa kthesave dramatike, ku raporti mes Sarës dhe Drilonit u bë qendër e vëmendjes së publikut. Situata filloi me një bisedë të hapur mes tyre, që më vonë u përshkallëzua në një debat të ashpër për shkak të një videoje të publikuar së fundmi.
Gjatë një bisede kur u pyet për Drilonin, Sara e quajti atë “fëmijë”, një koment që u mor me humor, por që përsëro krijoi një tension të lehtë. Sara i kërkoi falje Drilonit për këtë fjalë, duke treguar respekt për ndjeshmërinë e tij dhe Driloni nga ana tjetër e pranoi menjëherë faljen.
Më vonë, gjatë një sfide live të organizuar nga “Vëllai i Madh”, Sara pranoi publikisht se kishte një pëlqim për Drilonin. Ajo tha se kishte kaluar shumë kohë me të dhe ndante shumë gjëra të përbashkëta. Ky moment solli buzëqeshje në fytyrat e të dyve dhe duket se forcoi lidhjen mes tyre.
Por situata mori një kthesë dramatike kur u transmetua një video ku Edi dhe Driloni u dëgjuan duke ofenduar Sarën. Në video, Edi, pasi fillimisht e vlerësoi Sarën si “të bukur”, e ofendoi atë me një fjalë fyese në gjuhën gjermane. Edhe pse Driloni nuk u shpreh drejtpërdrejt, ai ishte pjesë e bisedës dhe u përfshi me të qeshura dhe komente nënkuptuese.
Pasi pa videon, Sara u ndje e fyer dhe e revoltuar. Ajo i kërkoi shpjegime të menjëhershme të dy djemve. Driloni u justifikua duke thënë se nuk kishte dëgjuar ofendimet e Edit dhe nuk e kishte kuptuar rëndësinë e tyre. Nga ana tjetër, Edi pranoi gjithçka kishte thënë dhe kërkoi falje për fjalorin e përdorur, duke theksuar se ishte një “lojë” për show.
Sara e shprehu qartë zhgënjimin e saj, duke i kërkuar që të ishin të sinqertë dhe t’i tregonin hapur nëse kishin ndonjë problem me të. Megjithatë, ndjesa e Edit dhe justifikimet e Drilonit nuk duket se e zbutën situatën.
Tashmë mbetet për t’u parë nëse ky incident do të ndikojë në vazhdimësinë e lojës dhe marrëdhëniet mes tyre në shtëpinë e “Big Brother VIP Kosova”.
