Ish-anëtari i Shtabit të Përgjithshëm të UÇK-së, Sokol Bashota, ka komentuar videon e publikuar dje, ku shiheshin anëtarë të ShP të UÇK-së në takim me ndërkombëtarë, e ku u komentua edhe prezenca e Albin Kurtit, shkruan Gazeta Scanner.
Bashota, i cili thotë se kjo video e kthei në kujtesë, sqaron edhe pozicionet e të pranishmëve, duke përfshirë edhe atë të kryeministrit aktual, Kurti, raporton Scanner.
“Në këtë takim ishim unë, baci Jakup dhe Ramë Buja, së bashku me ambasadorin amerikan Lari Rosin si dhe shefin e KDOM-it amerikan Shaun Byrnes si dhe përkthyesit Albin Kurti e Florina Krasniqi. Falë këtyre takimeve arritem deri tek takimi historik i Rambouillet”, shkruan Bashota.
Postimi i plotë:
Kjo video e shfaqur në portale të ndryshme, më rikthej kujtesen e sa e sa takimeve me përfaqësues diplomatikë ndërkombtarë gjatë kohës së luftës.
Në këtë takim ishim unë, baci Jakup dhe Ramë Buja, së bashku me ambasadorin amerikan Lari Rosin si dhe shefin e KDOM-it amerikan Shaun Byrnes si dhe përkthyesit Albin Kurti e Florina Krasniqi. Falë këtyre takimeve arritem deri tek takimi historik i Rambouillet.
