Vetura me targa BG dhe i gjithë armatimi i kapur në Zveçan, PK publikon edhe pamje nga droni

Ministri i Punëve të Brendshme të Kosovës, Xhelal Sveçla bashkë me Drejtorin e Policisë, Gazmend Hoxha, kanë mbajtur sot një konferencë për media pas aksionit të së premtes ku kapën një sasi të konsideruar armatimi në një veturë në Zveçan.

Makina me tabela të Beogradit që është evidentuar edhe pronë e shoqërisë “Hekurudhat e Beogradit” bashkë gjithë armatimin e kapur nga Policia janë ekspozuar sot në konferencën për media.

Sveçla ka thënë se ky armatim ka pasur për qëllim të të përdorej për sulme terroriste, përfshirë edhe kundër ushtarëve të KFOR-it në Veri.