Një person dyshohet se ka bërë vetëvrasje sot në Ferizaj në një objekt banesor që ishte në ndërtim.

Lajmin për Gazetën Insajderi e ka konfirmuar zëdhënësi i policisë për rajonin e Ferizajt, Kanun Veseli, sipas tij personi i vetëvrare është i moshës 29 vjeçar.

Ju njoftojmë se rreth 13:00 kemi pranuar një informacion se në rrugën “Emin Duraku” në Ferizaj në një objekt banesor në ndërtim e sipër, një person, mashkull i moshës rreth 29 vjeçar, dyshohet se ka bërë vetëvrasje”.

Mjekët nga Qendra Emergjente e Ferizajt, që kanë dalë në vendin e ngjarjes, kanë konstatuar vdekjen e tij.

Ekipe të policisë rajonale kanë dalë në vendin e ngjarjes gjithashtu dhe po e hetojnë rastin.

Me vendim të prokurorit kujdestar trupi i pajetë dërgohet në Institutin e Mjekësisë Ligjore për obduksion