Vetëvendosje pret që Besnik Mujeci ta dorëzojë mandatin e tij

Lëvizja Vetëvendosje e ka përjashtuar nga partia asamblistin, Besnik Mujeci, i cili u arrestua në Tiranë nën dyshimin për trafikim droge.

Kryetari i Grupit të Asamblistëve të Lëvizjes Vetëvendosje në Prishtinë, Gëzim Sveçla, tha për ‘Lajmet e Fundit’ në RTK, se përjashtimi i Mujecit nga VV, është një standard në skenën politike në Kosovë, pasi që ky i fundit dyshohet për vepra penale.

Sveçla tha se pret nga Besnik Mujeci, të dorëzojë mandatin e tij që e ka në Kuvendin Komunal të Prishtinës dhe pas dorëheqjes së tij, do të zëvendësohet nga një asamblist tjetër i VV-së.