Pastrimi i gjuhës është shumë i rëndësishëm për higjienën orale dhe për të parandaluar erën e keqe të gojës, por shumë njerëz kanë ndjeshmëri të lartë në zonën e fytit dhe u vjen për të vjellë kur përpiqen ta pastrojnë.
Ja disa këshilla që mund ta bëjnë më të lehtë dhe më të tolerueshëm këtë proces:
Pastrojeni gjuhën në mëngjes, jo me stomak bosh
Të pastrosh gjuhën menjëherë pasi zgjohesh, para se të hash apo pish ujë, mund ta shtojë ndjesinë e të vjellës. Mund ta bësh pasi të kesh konsumuar pak ujë ose ushqim të lehtë.
Përdor pastrues gjuhe, jo furçën e dhëmbëve
Furçat shpesh janë më të ashpra dhe më të trasha. Një scraper (gërvishtës) gjuhe plastik ose metalik, i krijuar enkas për këtë funksion, është më efektiv dhe më pak irritues.
Fillo nga mesi i gjuhës, jo nga fundi
Mos e fillo direkt nga pjesa më e thellë e gjuhës. Fillimisht pastroni pjesën e përparme dhe më pas, gradualisht, zhvendosuni më thellë.
Merr frymë thellë nga hunda, jo nga goja
Mbajtja e frymës ose frymëmarrja me hundë ndihmon në reduktimin e refleksit të të vjellës.
Mos e shtyp shumë fort
Presioni i shumtë mund të shkaktojë ndjeshmëri. Lëvizjet e lehta e të buta janë më të tolerueshme dhe prapë efektive.
Përdore pastrues me aromë mente ose xhel të butë
Disa pastrues gjuhe ofrojnë xhel me shije mente që freskon gojën dhe e bën procesin më të këndshëm.
Bëje para pasqyrës për më shumë kontroll
Kur e sheh veten, ke më shumë kontroll mbi pozicionin dhe lëvizjen, gjë që ndihmon të shmangësh zonat më të ndjeshme.
Nëse pastrimi i gjuhës është i pamundur për shkak të ndjeshmërisë së theksuar, alternativat si shpëlarësit oralë antibakterialë (pa alkool) mund të ndihmojnë përkohësisht, por nuk e zëvendësojnë plotësisht pastrimin mekanik.
