Vesa Lumës dhe Big Bastës iu deshën 9 vjet për t’iu mbushur mendja për këtë gjë

Me ç’thotë Vesa Luma, asaj dhe Big Bastës u është mbushur mendja për herë të parë pas 9 vitesh që të përpiqen për një fëmijë të dytë.

E pyetur në Instagram nga një ndjekës nëse ka menduar ndonjëherë për të bërë një fëmijë tjetër, Vesa u përgjigj sinqerisht:

“Kemi 9 vjet që e mendojmë dhe më në fund na është mbushur mendja për një motër a vëlla për t’ia bërë Lianit.”

“Të shpresojmë që do kemi fat sepse mosha nuk është shumë në favor, por nëse keni ndonjë propozim/recetë për këtë pjesë, i pres me padurim,” shtoi ajo më tej me shaka.

Vesa Luma dhe Big Basta (Gerald Xhari) e kanë nisur romancën e tyre vite më parë dhe janë martuar përgjatë vitit 2015. Në vitin pasardhës, sollën në jetë djalin e tyre, të quajtur Lian.