Deputeti i Partisë Demokratike të Kosovës (PDK), Mergim Lushtaku, ka dalë në teren për të parë nga afër situatën e rënduar pas vërshimeve në Skenderaj.
Lushtaku është shprehur i indinjuar me nivelin qendror, i cili sipas tij për shkak të inateve politike nuk ka reaguar për t’i dalë në ndihmë kësaj komune.
“Situata me vërshime ka goditur rëndë Skenderajn. Komuna e Skenderajt dhe Shtabi Emergjent e ka menaxhuar mirë situatën duke evakuar banorët e rrezikuar. Mirëpo është për tu çuditur se si niveli qendror për shkak të inateve politike ka ndikuar tek institucionet tjera duke mos reaguar në këtë situatë. Ministria e Brendshme përmes Agjencisë së Emergjencave, Ministria e Mbrojtjes dhe FSK-ja nuk reaguan dhe nuk i ka dalë në krah komunës së Skenderajt në momentet më të rënda. Lutëm që reshjet e shiut të ndalen dhe gjendje të përmirësohet sa më shpejt! Lehtëso e mos vështirëso o Zot”, ka shkruar Lushtaku në Facebook.
