Reperi i njohur shqiptar, Gold AG, ka publikuar projektin e tij më të ri muzikor të titulluar “Veni vakive”, një këngë që flet për gjendjen aktuale në Kosovë dhe ndodhitë e fundit që kanë ndikuar në shoqëri.
Teksti i këngës, i shkruar nga vetë këngëtari, është një reflektim i realitetit të përditshëm dhe vështirësive me të cilat përballet vendi.
Përmes vargjeve të tij, Gold AG e përshkruan Kosovën si një “vend i vakive”, duke theksuar përplasjet sociale dhe sfidat që shoqëria po përjeton.
Kënga është realizuar në studion e njohur Bini Diez, duke sjellë një prodhim muzikor që i përshtatet stilit të njohur të Gold Ag, me tinguj të fuqishëm dhe mesazhe të qarta.
Përveç muzikës, projekti vjen i shoqëruar me një videoklip i cili tashmë është publikuar në platformën YouTube, ku adhuruesit mund ta dëgjojnë dhe shikojnë mesazhet e fuqishme që sjell kjo këngë.
