Federata rumune e futbollit ka reaguar pas vendimit të UEFA-s për ndeshjen Rumani-Kosovës.
Ndeshja u vendos me rezultat zyrtar 3:0 për Rumaninë, kurse Kosova u gjobit me 6 mijë euro.
E Federata rumune mori gjobë 128 mijë euro në total.
Ky është reagimi i Federatës rumune pas vendimit:
Pasi kombëtarja e Kosovës u largua nga fusha në shtesat e ndeshjes më 15 nëntor, në “Arena Națională,” rezultati i ndeshjes u vendos drejtpërdrejt nga komisioni i apelimit i UEFA-s. Sipas nenit 25.01 të rregullores së UEFA Nations League, komisioni vendosi që kombëtarja e Kosovës ta humbiste ndeshjen me rezultatin 3-0. Gjithashtu, Federata e Futbollit të Kosovës u gjobit me 6,000 euro për sjelljen e papërshtatshme të ekipit. Edhe Federata Rumune e Futbollit u ndëshkua me një gjobë prej 50,000 euro dhe me detyrimin që ndeshjen e ardhshme në shtëpi ta zhvillojë pa praninë e publikut, për shkak të thirrjeve ksenofobike të tifozëve. UEFA nuk specifikoi se në cilën garë do të zbatohet kjo masë. Përveç kësaj, FRF u ndëshkua edhe me: – 30,000 euro për mesazhe politike provokuese të shfaqura nga tifozët në tribuna, – 9,000 euro për hedhjen e objekteve në fushën e lojës, – 4,500 euro për përdorimin e materialeve piroteknike, – 8,000 euro për përdorimin e laserëve, – 12,500 euro për ndërprerjen e ekzekutimit të himnit të ekipit kundërshtar, – 14,000 euro për bllokimin e korridoreve publike.
