21.4 C
New York
Friday, August 29, 2025

Buy now

Vdes një person, pësoi arrest kardiak në Brezovicë

- Advertisement -

Një person ka vdekur pas një arresti kardiak që ka pasur në Qendrën e Skijimit në Brezovicë.

Kështu ka bërë të ditur ekipi i Shoqatës së Kosovës për Kërkim Shpëtimi, të cilët thanë se kanë bërë të mundur transportin deri në autoambulance e cila nuk mund të arrinte në vendin e ngjarjes, për shkak të bllokimit të rrugës.

“Ekipi i Shoqatës së Kosovës për Kërkim Shpëtimi ka intervenuar në qendrën e skijimit në Brezovice. Pas një arresti kardiak të një qytetari është bërë e mundur transporti deri në autoambulancën e cila kishte vështirësi për të arritur deri në vendin e ngjarjes”, thuhet në njoftim.

Ndryshe, bllokimin e rrugës e ka konfirmuar për teve1.info edhe zëdhënësi i Policisë së Kosovës për Rajonin e Ferizajt, Kanun Veseli.

“Rreth orës 21:00 nga zyrtarët Parkut Kombëtarë “Sharri”, policia e stacionit në Shtërpcë ka pranuar një informatë se në afërsi të Qendrës së Skijimit në Brezovicë ka rënë një ortek i vogël bore dhe ka bllokuar rrugën. Menjëherë është njoftuar kompania për mirëmbajtjen e rrugëve, e cila ka dalë në vendin e ngjarjes dhe ështe duke punuar në pastrimin dhe lirimin e rrugës”, tha Veseli.

Të ngjashme

Të fundit