Vdes një person pas një aksidenti në Vogovë të Gjakovës

Një person ka vdekur pas një aksidenti mëngjesin së shtunës në fshatin Vogovë të Gjakovës, derisa tre të tjerë kanë mbetur të lënduar.

Policia ka bërë me dije se vetaksidenti ka ndodhur rreth orës 02:05.

“Si pasojë e aksidentit, një person, mashkull dhe shtetas i Shqipërisë, ka humbur jetën në vendin e ngjarjes, ndërsa tre persona të tjerë kanë pësuar lëndime trupore dhe janë dërguar për trajtim mjekësor” – ka thënë zëdhënësi i Policisë Rajonale në Gjakovë, Sheremet Elezaj.