Një femër e moshës 31-vjeçare ka humbur jetën dje në Obiliq, si pasojë e plagosjes nga arma e zjarrit.

Lajmin për “Telegrafi”-n e ka konfirmuar zëdhënësja e policisë, Flora Ahmeti.

Ahmeti ka bërë të ditur se policia dje rreth orës 14:30 ka pranuar informatën për një person të plagosur nga arma e zjarrit nga QKMF në Obiliq.

“Personi i lënduar ( femër 31 vjeç) më pas është transportuar në QKUK, ku dhe është konstatuar vdekja e saj”, tha Ahmeti.