Sot gjatë ditës, Kosova është tronditur nga vdekja e çiftit nga Juniku gjatë qëndrimit të tyre në bjeshkët e Junikut.
Të gjitha njesitë relevante të Policisë së Kosovës po qëndrojnë në vendin e ngjarjes.
Zëdhënësi i Prokurorisë Themelore të Pejës, Shkodran Nikçi ka thënë se ende nuk dihet për shkakun e vdekjes por se rryma mund të jetë “njëra prej pistave”.
Nikçi ka treguar se po e presin një ekip të Institutit të Mjekësisë Ligjore për të mbërritur në vendin e ngjarjes dhe për t’i marrë dy trupat e pajetë, të cilëve prokurori ka urdhëruar që t’u bëhet obduksioni.
Shkodran Nikçi tha se policia është në vendin e ngjarjes me urdhër të prokurorisë dhe se është ende herët për të treguar rreth shkakut të vdekjes.
“Kur të marrim edhe rezultatin e autopsisë, do të mësojmë më shumë për shkakun”, tha Nikçi.
Viktimat e kësaj ngjarje është Mic Tofaj, pronar i kompanisë së ujësjellësit ‘’Juniku’ dhe bashkëshortja e tij. /T7/
